Mae Cyngor Sir Ddinbych yn falch o fod wedi cadarnhau £19.97m o Rownd 3 Cyllid Llywodraeth y DU i gefnogi datblygiad 7 prosiect gyda’r bwriad o wella canol trefi a’r ardaloedd cyfagos yn hen etholaeth Dyffryn Clwyd.
Roedd y cynllun cyllid hwn ar agor i awdurdodau lleol gyflwyno cynigion ynghlwm â themâu adfywio, treftadaeth neu gludiant.
Cefnogwyd y cynigion oedd wedi’u cynnwys ar gyfer hen etholaeth Dyffryn Clwyd gan gyn AS yr etholaeth ac aelodau etholedig lleol.
Mae'r rhestr lawn o brosiectau i’w gweld isod.
Pan fydd y cyllid wedi’i gadarnhau ac ar ôl sefydlu’r timau prosiect, bydd digwyddiad gwybodaeth ar gyfer y cyhoedd yn cael ei drefnu i rannu gwybodaeth am y prosiectau gydag ymgynghoriad manwl pan fydd y prosiectau wedi’u datblygu ymhellach. Bydd digwyddiadau’n cael eu hyrwyddo gan y Cyngor ar y cyfryngau cymdeithasol ac yn y wasg leol yn nes at yr amser.
Rhestr lawn o brosiectau
Details of the LUF Round 3 projects are in the following table:
Cronfa Ffyniant Bro Rownd 3: Balchder Bro a’r Amgylchedd Naturiol
| Enw'r Prosiect / Gweithgaredd | Lleoliad | Disgrifiad |
|---|
| Parth Cyhoeddus Canol Tref y Rhyl |
Y Rhyl |
Cynllun i adfywio’r parth cyhoeddus a chreu gwell cysylltiad rhwng canol y dref a’r traeth.
|
| Promenâd Canolog y Rhyl |
Y Rhyl |
Gwella hygyrchedd a chreu gwell cysylltiad rhwng y promenâd a chanol y dref.
|
| Parc Poced Porth Canol Tref y Rhyl |
Y Rhyl |
Tynnu adeiladau anniogel a darparu gofod gwyrdd croesawgar ac ardaloedd eistedd, sy’n hygyrch i bawb.
|
| Parth Cyhoeddus Marchnad y Frenhines y Rhyl |
Y Rhyl |
Gwelliannau i gefnogi cynnig Marchnad y Frenhines y Rhyl.
|
| Hen Ysbyty Gogledd Cymru |
Dinbych |
Cynllun i ddymchwel rhannau anniogel a diogelu gweddill yr adeilad rhestredig Gradd II er mwyn gallu cyflawni gwaith datblygu sector preifat.
|
| Parth Cyhoeddus Stryd Fawr Prestatyn |
Prestatyn |
Gwella’r parth cyhoeddus ac isadeiledd gwyrdd ar y brif stryd fawr. Gwella hygyrchedd canol y dref.
|
| Parc Natur Prestatyn |
Prestatyn |
Darparu lle tawel i gerdded o amgylch y gwlypdir, gwella’r llwybr i gerddwyr a beicwyr trwy gysylltu â llwybrau eraill.
|
Cysylltu â ni
Defnyddiwch ein ffurflen ymholiadau cyffredinol a dewiswch ‘Ariannu Ffyniant Bro’ fel y gwasanaeth perthnasol. Yn eich ymholiad, dywedwch wrthym pa brosiect y mae gennych ddiddordeb penodol ynddo a byddwn yn anfon y neges at y rheolwr prosiect perthnasol.
Cynnal digwyddiad yn ein lleoliadau prosiect
Mae ein tudalen cynnal digwyddiad yn Sir Ddinbych yn cynnwys ffurflen ar-lein er mwyn rhannu manylion unrhyw ddigwyddiadau rydych chi’n eu trefnu. Wrth roi gwybod i’r Cyngor am eich digwyddiad, gallwn roi gwybod i chi a fydd gwaith ar unrhyw un o’n prosiectau yn debygol o effeithio arno.