Cynnyrch Coed Meifod

Mae Cynnyrch Coed Meifod yn cynhyrchu dodrefn pren i’r ardd ac yn darparu gwasanaeth profiad gwaith i oedolion ag anableddau dysgu.

Bwrdd Patio Crwn

Set Sgwrsio Cadeiriau Coedwig

Bocs Planhigion Versailles

Set Sgwrsio Cadeiriau Patio

Ni yw Cynnyrch Coed Meifod sy’n gweithredu ar Stad Ddiwydiannol Colomendy yn Ninbych. Rydym yn cynhyrchu dodrefn pren i’r ardd ac yn darparu gwasanaeth profiad gwaith i oedolion ag anableddau dysgu.

Staff Cynnyrch Coed Meifod

Mae ein dodrefn graenus yn cynnwys meinciau, byrddau picnic a bocsys planhigion, oll wedi’u llunio’n fedrus a gofalus gan bobl sy’n cymryd rhan yn ein rhaglen cyflogaeth â chymorth.

Dyma gynnyrch a wnaiff bara, sy’n ffordd o greu lleoedd eistedd yn yr awyr agored heb niweidio’r amgylchedd a darparu lle cyfforddus i’n cwsmeriaid ymlacio yn eu gerddi.

Llunnir pob dodrefnyn â choed a gafwyd o ffynhonnell gynaliadwy gan sicrhau ei fod â golwg graenus ac wedi’i wneud i bara.

Wrth brynu gan Meifod rydych chi’n cyfrannu at yr economi leol a hefyd at gymdeithas drwy gefnogi pobl ag anableddau dysgu i fagu sgiliau gwerthfawr a chael profiad o fyd gwaith. Mae’n hawdd gweld sut mae’r cynnyrch yn para wrth ymweld ag amryw gymunedau yn Sir Ddinbych lle’r ydym wedi darparu ein nwyddau ers blynyddoedd lawer i gynghorau tref a chymuned.